Macarıstan xarici işlər naziri Piter Siiarto bildirib ki, Avropa İttifaqının xarici işlər nazirlərinin görüşlərindən əvvəl və sonra da təkcə Rusiyanın deyil, həm də ABŞ, Türkiyə, İsrail, Serbiyanın xarici işlər nazirləri və digər tərəfdaşlarla danışır.

“Avropa İttifaqının Şurasının görüşlərindən əvvəl və sonra da təkcə Rusiyanın deyil, həm də ABŞ, Türkiyə, İsrail, Serbiyanın xarici işlər nazirləri və digər tərəfdaşlarla danışıram” – Siiarto jurnalistlərə bildirib.

Onun sözlərinə əsasən, indi vəziyyət elədir ki, Avropa İttifaqında Macarıstanın Avropa İttifaqı xaricindəki digər ölkələrlə münasibətlərinə və əməkdaşlığına təsir edən bir çox qərarlar qəbul edilir.

“Məhz bu, xarici siyasətin mahiyyətidir. Ola bilsin, nəsə kobud bir şey deyirəm, lakin diplomatiya digər ölkələrin liderləri ilə bizim danışmağımız deməkdir” – Siiarto bildirib.

Məlumat üçün bildirək ki, “Washington Post” nəşri Budapeştin Ukraynada davam edən müharibə boyunca Kremllə sıx təmas saxladığı və Siiartonun Avropa İttifaqının görüşləri zamanı fasilələr vaxtı tez-tez rus həmkarına zəng etdiyi barədə məqalə dərc edib.