Macarıstanın xarici işlər naziri Piter Siiarto bildirir ki, Budapeşt Avropa İttifaqının bir neçə ölkəsinin onların qoşunlarının Ukraynaya yerləşdirilməsini nəzərdə tutan mövqeyini bölüşmür.

Siiarto hesab edir ki, bu cür addımlar Rusiya ilə birbaşa müharibə riski yaradır.

“Dünən Parisdə “İstəklilər Koalisiyası” Avropanı Rusiya ilə birbaşa qarşıdurmaya daha da yaxınlaşdıran daha bir təklif irəli sürdü. Qərbi Avropa ölkələri Ukraynada hərbi mövcudluq bərqərar etmək cəhdi ilə Rusiya ilə birbaşa müharibə riski yaradırlar. Macarıstan buna müdaxilə etməyəcək. Biz sülh danışıqlarını, o cümlədən ABŞ və Rusiya arasında ən yüksək səviyyədə danışıqları dəstəkləyirik və müharibəyə doğru bu son addımı qətiyyətlə pisləyirik” – Siiarto yazır.

Məlumat üçün bildirək ki, yanvarın 6-da Parisdə keçirilən görüşdən sonra Ukrayna, Fransa və Böyük Britaniya müharibənin bitməsindən sonra Ukraynaya çoxmillətli qüvvələrin yerləşdirilməsi haqda bəyannamə imzalayıblar. Daha sonra İtaliya və Almaniyanın liderləri Ukraynaya qoşun yerləşdirmək niyyətində olmadıqlarını bəyan ediblər.