Piter Siiarto Almaniyanın səfirini Macarıstanın daxili işlərinə müdaxilə etməkdə ittiham edib və Xarici İşlər Nazirliyinə çağırıb

 
Macarıstanın xarici işlər naziri Piter Siiarto Almaniyanın səfirini Macarıstanın daxili işlərinə müdaxilə etməkdə ittiham edib və Macarıstan hökumətinin hərəkətlərini tənqid etdiyinə görə Xarici İşlər Nazirliyinə çağırıb.

Almaniyanın birləşməsi günü ilə əlaqədar tədbirdə macar siyasətçilər, diplomatlar və qeyri-hökumət təşkilatlarının nümayəndələri qarşısında çıxış edən Almaniyanın səfiri Culia Qross bildirib ki, Macarıstan onu dostlarından uzaqlaşdıran yolda dayanır.

“Bu gecə mən hər zaman körpülərin qurucusu olmuş bir çox insanı görürəm. Biz birlikdə tələb etməliyik ki, sizin tikdiklərinizi məhv etməsinlər” – diplomat bildirib.

Piter Siiarto səfirin bəyanatını qəbuledilməz adlandırıb.

“Almaniyanın Budapeştdəki səfiri Macarıstanın suverenliyini təhqir edən dünənki çıxışı ilə Macarıstanın daxili işlərinə ciddi müdaxilə edib” – Siiarto sosial şəbəkədə yazıb.

Çərşənbə günü, oktyabrın 2-də Almaniya səfirliyi tərəfindən təşkil edilən tədbirdə Orban hökumətinin yüksək vəzifəli şəxsləri iştirak etməyiblər. Keçən il Piter Siiarto Almaniyanın birləşməsi günü ilə bağlı gecədə çıxış etmişdi.