ABŞ-ın müharibə naziri Pit Hegseti bildirir ki, Vaşinqton ilə Pekin arasındakı münasibətlər heç vaxt indiki qədər yaxşı olmayıb.

Onun sözlərinə görə, Donald Tramp ilə Si Cinpinin görüşü dostcanlı və uğurlu olub və tərəflər sülhün, sabitliyin və yaxşı münasibətlərin gücləndirilməsi barədə razılığa gəliblər.

“Bir az əvvəl Prezident Tramp ilə danışdım və biz razıyıq ki, ABŞ ilə Çin arasında münasibətlər heç vaxt bu qədər yaxşı olmayıb. Cənubi Koreyada Prezident Tramp və Si Cinpinin tarixi görüşündən sonra mən həmçinin Malayziyədə Çin Xalq Respublikasının milli müdafiə naziri, admiral Donq Cun ilə müsbət görüş keçirdim. Dünən gecə yenidən danışdıq. Admiral və mən razıyıq ki, sülh, sabitlik və yaxşı münasibətlər bizim iki böyük və güclü ölkəmiz üçün ən doğru yoldur. Prezident Trampın dediyi kimi, onun tarixi “Böyük İkili görüşü” ABŞ və Çin üçün əbədi sülh və uğurun tonunu müəyyənləşdirdi. Müharibə Departamenti də eyni şeyi edəcək – güc, qarşılıqlı hörmət və pozitiv münasibətlər yolu ilə sülh. Admiral Donq ilə birlikdə həmçinin razılaşdıq ki, yaranan hər hansı məsələni və mümkün gərginliyi azaltmaq üçün hərbi əlaqə kanalları yaratmalıyıq. Tezliklə bu mövzuda daha çox görüşlərimiz olacaq. Tanrı həm Çini, həm də ABŞ-ı qorusun,” – deyə Pit Hegseti X-də yazır.