Gürcüstan hakimiyyətinin qərarı ilə ölkə 2024-cü ilin əvvəlindən bütün fundamental sahələrdə böyük sürətlə Avropa İttifaqından uzaqlaşıb – bu haqda Almaniyanın Gürcüstandakı səfiri Peter Fişer deyib.

O bildirib ki, Gürcüstanın Avropa İttifaqı, Almaniya ilə münasibətləri dərin böhran içindədir, çıxış yolunun açarı Gürcüstandadır.

“Gürcüstan hakimiyyətinin qərarı ilə ölkə 2024-cü ilin əvvəlindən Avropa İttifaqından uzaqlaşıb. Ölkə bütün fundamental sahələrdə böyük sürətlə Avropa İttifaqından uzaqlaşır. Avropa İttifaqı, Almaniya ilə münasibətlər dərin böhran içindədir. Mən əmin deyiləm ki, bundan çıxış yolu var. Çıxış yolunun açarı Gürcüstandadır, yalnız Gürcüstandadır. Gürcüstanın müstəqilliyindən bu yana ölkənin yaxşı, etibarlı tərəfdaşları olmuşuq. Biz davam etdirmək istəyirik, lakin yalnız Gürcüstan da bizim üçün yaxşı tərəfdaş olmaq istəsə. Vizasız rejim müəyyən şərtlərdən asılı olan imtiyazdır və Avropa Komissiyası indi Gürcüstandan soruşub — bu şərtlər hələ də yerinə yetirilirmi? Gürcüstan hakimiyyətinin cavabının nə olacağını görəcəyik və biz lazımi qərarı qəbul edəcəyik” – Peter Fişer bildirib.