Pentaqon Almaniyadan 5 000 amerikalı hərbçinin çıxarılmasını planlaşdırır. Bu barədə məlumatı “BBC” yayıb.

Pentaqon nümayəndəsi bildirib ki, əmri Müdafiə Katibi Pit Heqsət verib və proses 6–12 ay ərzində tamamlanacaq.

“Bu qərar Avropadakı hərbi yerləşdirməmizin ətraflı nəzərdən keçirilməsinin nəticəsidir”, – deyə Pentaqon nümayəndəsi bildirib.

Qeyd edək ki, İrana qarşı davam edən müharibə səbəbindən ABŞ Prezidenti Donald Tramp ilə Almaniya Kansleri Fridrix Mers arasında gərginlik artıb.

Almaniya Kansleri tələbələrlə görüşdə bildirib ki, “Amerikalıların strategiyası yoxdur”, cavab olaraq Donald Tramp Fridrix Mersi “dəhşətli” adlandırıb və qeyd edib ki, onun “heç nə başa düşmür”.

Hazırda Almaniyada 36 000-dən çox amerikalı hərbçi xidmət edir ki, bu da Avropada ABŞ-ın ən böyük kontingentidir.