Penitensiar müəssisələrdə təhsil alan məhkum şagirdlər üçün Son zəngə həsr olunmuş tədbir keçirilib. Məhkumları məktəbi bitirmələri münasibətilə müxtəlif sahələrin tanınmış nümayəndələri – musiqiçilər, aktyorlar, teleaparıcılar və idmançılar təbrik ediblər.

Şagirdlərə Xüsusi Penitensiar Xidmət tərəfindən üzərində qonaqların xatirə və təbrik qeydləri yazdığı simvolik ağ köynəklər təqdim olunub.

Tədbir çərçivəsində müxtəlif musiqi nömrələri, o cümlədən məhkumların iştirakı ilə çıxışlar nümayiş etdirilib.

№11 müəssisəsində olduqları zaman qonaqlar müəssisənin tədris məkanını, kitabxanasını və idman infrastrukturunu nəzərdən keçiriblər.

“İttiham olunan və ya məhkum edilmiş hər bir şəxsin peşə və akademik təhsilinin təşviqi Penitensiar Xidmətin əsas prioritetlərindən biridir. Təhsilin müxtəlif pillələrinə çıxışın təmin edilməsi məqsədilə penitensiar müəssisələrdə müvafiq şərait yaradılıb”, – deyə Penitensiar Xidmətin məlumatında bildirilir.