Pedro Sançes: Seutaya minlərlə miqrantın kütləvi daxil olması İspaniyanın suverenliyinin pozulmasıdır

İspaniyanın Baş naziri Pedro Sançes: Şimali Afrikadakı Seuta anklavına minlərlə miqrantın kütləvi daxil olması İspaniyanın suverenliyinin pozulmasıdır.

İspaniyanın baş nazirinin sözlərinə görə, Seutaya minlərlə miqrantın kütləvi daxil olması ölkənin suverenliyinin pozulmasıdır.

“Dünən baş verənlər hücumdur, İspaniyanın ərazi bütövlüyünün pozulmasıdır. Seuta İspaniya şəhəridir və dünən baş verənlər ən sərt şəkildə qınanmalıdır”, – deyə Sançes bildirib.

Onun sözlərinə görə, İspaniya Ali Məhkəməsi daha əvvəl müəyyən edib ki, bir şəxsin Seuta ərazisinə dəniz yolu ilə daxil olması halında onun dərhal geri qaytarılması qanuni deyil. Lakin insanların qanunsuz daşınması ilə məşğul olan cinayətkar şəbəkələr bu qərardan öz xeyirlərinə istifadə edərək miqrantları suya girməyə inandırıblar.

İspaniyanın baş naziri bildirib ki, hökumət ölkəyə qanunsuz daxil olan miqrantların işlərinə baxılması və onların repatriasiyası ilə bağlı prosedurları sürətləndirəcək.

“Gördüyünüz kimi, bu miqrantların çoxu artıq ərazini tərk edir”, – deyə Sançes qeyd edib.

İspaniyanın baş naziri Mərakeş hakimiyyətinə əməkdaşlığa görə təşəkkür edib və bildirib ki, bu əməkdaşlıq repatriasiya proseslərinin mümkün qədər tez həyata keçirilməsi və qanunsuz daxil olan miqrantların ərazini tərk etməsi üçün vacibdir.

Sançesin sözlərinə görə, hökumət bu məsələyə sistemli yanaşmalıdır, zərurət yaranarsa, qanunvericiliyə dəyişikliklər də edilməlidir.