Gürcüstanda ola bilsin çox şey dəyişsin, lakin mən inqilaba rəhbərlik edilməsində Saakaşvilinin rolunu görmürəm – bu haqda Polşa Seyminin Xarici Əlaqələr Komitəsinin sədri, Ukrayna ilə Əməkdaşlıq Şurasının rəhbəri Pavel Koval jurnalist Maria Qorska ilə birgə podkastda deyib.

Bu gün Gürcüstanda baş verən hər şeydə Saakaşvilinin rolunu necə görməsi ilə əlaqədar suala Pavel Koval cavab verib ki, Saakaşvili azad edilməlidir. O, Saakaşvilinin həbsdə olmağa layiq olmadığını, lakin gürcü müxalifət siyasətinin yeni nəslin əlinə keçdiyini bildirib.

“Bütün xarizmatik liderlər kimi, Saakaşvili insanların onu izləyəcəyini hesab edirdi; həbsxananın yaxınlığında dayanacaqdılar və inqilab baş verəcəkdi. Gürcüstanda ola bilsin çox şey dəyişsin, lakin mən inqilaba rəhbərlik edilməsində Saakaşvilinin rolunu görmürəm. Lakin, siyasətdə zaman çox böyük əhəmiyyətə malikdir. Bəzən heyrətamiz şeylər baş verir. Saakaşvilinin artıq rol oynaya bilməyəcəyinə inananlar, yəqin ki, müxtəlif ssenarilərin inkişafı imkanlarını tərk etməlidirlər” – Pavel Koval qeyd edib.