Pavel Herçinski – Biz Gürcüstanın guya öz kimliyini qorumaqla avrointeqrasiya arasında seçim etməli olduğuna dair tez-tez eşidirik, siz belə bir seçim etmək məcburiyyətində deyilsiniz, bu, yalançı dilemmadır

17:13, 06.10.2026

 

Biz Gürcüstanın guya öz kimliyini qorumaqla avrointeqrasiya arasında seçim etməli olduğuna dair tez-tez eşidirik, siz belə bir seçim etmək məcburiyyətində deyilsiniz, bu, yalançı dilemmadır – bu barədə Avropa İttifaqının Gürcüstandakı səfiri Pavel Herçinski Beynəlxalq Müəllimlər Günü ilə bağlı ziyarət etdiyi Müqəddəs Andria Gürcü Universitetində (SANGU) açıqlayıb.

O bildirib ki, ənənəvi və dərin xristian olmaqla yanaşı, eyni zamanda xarici aləmə açıq olmaq və avrointeqrasiyadan faydalanmaq mümkündür.

“Müəllimləri səmimi qəlbdən təbrik edirəm. Sizin peşəniz son dərəcə vacibdir. Müəllimlərə qarşı xüsusi şəxsi münasibətim var, çünki anam və atam müəllim olublar. SANGU göstərir ki, çox ənənəvi olmaqla yanaşı, eyni zamanda açıq, müasir olmaq və beynəlxalq əlaqələrə malik olmaq mümkündür. Düşünürəm ki, bu, SANGU-nun özündən kənarda da vacib mesajdır. Biz Gürcüstanın guya öz kimliyini qorumaqla avrointeqrasiya arasında seçim etməli olduğuna dair tez-tez eşidirik, siz belə bir seçim etmək məcburiyyətində deyilsiniz, bu, yalançı dilemmadır. Həm SANGU üçün, həm də bütövlükdə Gürcüstan üçün ənənəvi və dərin xristian olmaqla yanaşı, eyni zamanda xarici aləmə açıq olmaq və avrointeqrasiyadan faydalanmaq mümkündür” – səfir bildirib.

Oxşar