Gürcüstan Patriarxlığının İctimaiyyətlə Əlaqələr Xidməti Gürcüstanın Prezidenti Salome Zurabişvili tərəfindən sosial şəbəkədə dərc edilmiş “Universitetlərdən sonra məktəblərin aksiyalara həmrəylik nümayiş etdirməsinin vaxtıdır” bəyanata münasibət bildirir.

Patriarxlığın bəyanatında deyildiyi kimi, məktəblilərin və ümumiyyətlə, yetkinlik yaşına çatmayanların cəlb edilməsini təşviq etməyə yönəlmiş bəyanat, üstəlik, cari hadisələrdən gələcək nəslin ruhi və fiziki sağlamlığına zərər dəyməməsi üçün xalqdakı qütbləşməni və nifrəti neytrallaşdırmağa çalışmalı olan ölkənin prezidenti tərəfindən bəyanat son dərəcə narahatedicidir .

“Bu günlər ərzində etiraz aksiyalarında hadisələrin necə inkişaf etdiyini görürük; Çox vaxt vəziyyət o qədər gərginləşir ki, toplaşma müxtəlif əşyaların hara gəldi atılmasına və əlbəyaxa qarşıdurmaya çevrilir. Belə bir şəraitdə məktəblilərin və ümumiyyətlə, yetkinlik yaşına çatmayanların cəlb edilməsini təşviq etməyə yönəlmiş bəyanat, üstəlik, cari hadisələrdən gələcək nəslin ruhi və fiziki sağlamlığına zərər dəyməməsi üçün xalqdakı qütbləşməni və nifrəti neytrallaşdırmağa çalışmalı olan ölkənin prezidenti tərəfindən verilmiş bəyanat son dərəcə narahatedicidir.
Bütün bunlara, yad insanların məktəb rəhbərliyinə qarşı çıxmağa və məktəblərə daxil olmağa, tədris prosesini pozmağa və şagirdlərə çağırışlarla müraciət etməyə necə cəhd etməsi ilə əlaqədar kadrların yayılması da əlavə olunur, bu da haqlı narahatlığa səbəb olur, tamamilə qəbuledilməzdir və dərhal son qoyulmalıdır” – bəyanatda deyilir.

Patriarxlıq guya Patriarxlığın Müqəddəs İlia Həqiqinin adına məktəbində tədris prosesinin dayandırılması haqda internetdə yayılan məlumata da münasibət bildirir, bunu sözügedən təhsil müəssisəsinin müdiriyyəti də sosial şəbəkədə təkzib edir.

“Məktəbdə tədris prosesi adi qaydada davam edir. Yetkinlik yaşına çatmayanların siyasi oyunçular və ya valideynləri tərəfindən cari proseslərə cəlb edilməsini cinayət hesab edirəm. Biz son günlər ərzində baş verən zorakılığı pisləyirik. Şagirdlər, əməkdaşlar və valideynlərdən siyasi qarşıdurmanı məktəbə daşımamalarını xahiş edirik” – Patriarxlığın Müqəddəs İlia Həqiqinin adına Tbilisi məktəbinin direktoru Mamuka Tediaşvili bildirib.

Bundan başqa, patriarxlığın bəyanatında deyilir ki, “Hüquq-mühafizə orqanlarının əməkdaşlarının narkotik maddələrin təsiri altında olması ilə bağlı hüquq-mühafizə orqanlarının əməkdaşlarını nüfuzdan salan və qütbləşməyə səbəb olan əsassız bəyanat məsuliyyətsizlikdir. Patriarxlığın İctimaiyyətlə Əlaqələr Xidmətinin nümayəndəsi olan din xadimləri hər gecə Kaşueti məbədində və ətraf ərazilərdə növbətçilik edirlər və onlar heç vaxt belə faktları müşahidə etməyiblər. Sonda, Gürcüstanın Prezidentini və digər şəxsləri bu gərgin günlərdə hamı üçün fəlakətli nəticələrə səbəb ola biləcək hər bir sözə daha çox məsuliyyətlə yanaşmağa çağırırıq”.