Partiya “Gaxaria Gürcüstan üçün” – 18 il əvvəl başlayan təcavüz bu gün də davam edir, Gürcüstan əraziləri işğal altındadır, Moskva Tsxinvali bölgəsinin de-fakto ilhaqı prosesini sürətləndirib

“Gaxaria Gürcüstan üçün” partiyası – 18 il əvvəl başlayan təcavüz bu gün də davam edir, Gürcüstan əraziləri işğal altında qalır, Moskva işğal olunmuş Tsxinvali bölgəsinin de-fakto ilhaqı prosesini sürətləndirib.
“18 il əvvəl Rusiya açıq şəkildə Gürcüstana müdaxilə etdi və Gürcüstan ərazilərini – Abxaziya və Tsxinvali bölgəsini işğal etdi. Təcavüzkardan vətənimizi müdafiə edərkən ağır bədəl ödədik və öz həyatlarını qurban verən qəhrəmanlara ehtiramımızı bildiririk”, – deyə “Gaxaria Gürcüstan üçün” partiyasının bəyanatında qeyd olunur.
Bəyanatda vurğulanır ki, təcavüz bu gün də davam edir – Gürcüstan əraziləri işğal altında qalır, Moskva isə işğal olunmuş Tsxinvali bölgəsinin de-fakto ilhaqı prosesini sürətləndirib.
“Bu həyəcanverici hadisələr fonunda ‘Gürcü arzusu’ hökuməti beynəlxalq ictimaiyyəti səfərbər etmək əvəzinə öz ölkəsini günahlandırmağı seçdi, davam edən ilhaq proseslərinə isə cinayətkar susqunluqla cavab verir. 2008-ci il müharibəsinin ildönümündə ‘Gürcü arzusu’ nümayəndələrinin işğaldan və işğalın qurbanı olan öz vətəndaşlarından daha çox sözdə ‘rusofobiyadan’ narahat olması kinayəlidir.
Beynəlxalq tərəfdaşlarımızı Gürcüstanın ərazi bütövlüyünü və suverenliyini qətiyyətlə dəstəkləməyə, işğal olunmuş ərazilərdə davam edən ilhaq proseslərini pisləməyə çağırırıq. Bu dəstək bu gün ‘Gürcü arzusu’nun kollaborasionist siyasəti fonunda daha da vacibdir. Qəhrəmanlara eşq olsun! Gürcüstana eşq olsun!”, – deyə partiyanın bəyanatında bildirilir.