Gürcüstanın Parlamentində Gürcüstan hökuməti tərəfindən təqdim edilmiş “Gürcüstanın 2025-ci ilin dövlət büdcəsi haqqında” qanun layihəsinin (əlavə materiallarla birlikdə) və “2025-2028-ci illər üçün ölkənin əsas məlumatları və istiqamətləri” sənədinin müzakirəsi proseduru başlayıb.

Parlamentin bürosu parlamentin maliyyə və büdcə komitəsi tərəfindən tərtib edilmiş büdcə layihəsinin və ona əlavə edilmiş materialların (2024-cü ilin 3-15 oktyabr) müzakirəsi cədvəlini dəstəkləyib.

Layihəyə əsasən: real iqtisadi artım 5,5% miqdarında planlaşdırılır, ortamüddətli dövrdə isə real iqtisadi artımın proqnozu 5,3% təşkil edir ; Cari il üçün orta inflyasiya proqnozu hədəf göstəricidən əhəmiyyətli dərəcədə aşağıdır və 1,5% təşkil edir, ortamüddətli dövrdə isə hədəf göstərici (3%) səviyyəsindədir; Nominal ÜDM-in proqnozu 97,4 milyard lari səviyyəsində müəyyən edilib, adambaşına hesablanmış ümumi daxili məhsul isə 9600 dolları aşır;

2025-ci ilin birləşmiş büdcəsinin xərc hissəsi cəmi 31,2 milyard lari təşkil edir və bu məbləğ çərçivəsində də dövlət tərəfindən götürülən öhdəliklərin tam maliyyələşdirilməsi planlaşdırılır.

Layihəyə əsasən, Gürcüstanın 2025-ci ilin dövlət büdcəsinin gəlirlərinin ümumi göstəricisi əvvəlki ilin təsdiq edilmiş planı ilə nəzərdə tutulan göstərici ilə müqayisədə 2281,0 milyon lari artıb və 26850,5 milyon lari məbləğində müəyyən edilib, dövlət büdcəsinin ödənişlərinin (ayırmalarının) həcmi 27 046,5 milyon lari təşkil edir (2024-cü ilin təsdiq edilmiş planı ilə müqayisədə 2 016,1 milyon lari artıb).

Məlumatı Gürcüstanın Parlamentinin mətbuat xidməti yayır.