Parlament “Yayım haqqında” qanuna dəyişiklikləri qəbul edib

Gürcüstan Parlamenti “Yayım haqqında” Gürcüstanın qanununa dəyişiklik edilməsi barədə” qanun layihəsini üçüncü oxunuşda müzakirə edib və 75 səslə qəbul edib.

Parlamentin üzvlərinə hüquq məsələləri komitəsinin sədri Arçil Qorduladze tərəfindən təqdim olunan qanunvericilik təşəbbüsünə əsasən, ixtisaslaşmış yayımçılara xarici qüvvədən birbaşa və ya dolayısı ilə maliyyə vəsaiti almaq imkanı veriləcək.

Qanun layihəsi ilə müəyyən edilir ki, yayımçı tərəfindən qadağan olunmuş maliyyələşmənin alınması halında, Milli Kommunikasiyalar Tənzimləmə Komissiyası “Yayım haqqında” qanunla nəzərdə tutulmuş məsuliyyəti tətbiq etməklə yanaşı, yayımçının aldığı maliyyə vəsaitini Gürcüstanın dövlət büdcəsinə köçürməsini tələb etmək hüququna malik olacaq.

Parlament həmçinin “Yayım haqqında” qanuna dəyişiklik layihəsini üçüncü oxunuşda 76 səslə dəstəkləyib. Qeyd olunan təşəbbüs barədə İqtisadi Siyasət Komitəsinin sədri Şota Berekaşvili danışıb.

Dəyişikliyə əsasən, Gürcüstanda yerli, ümumi və özəl ixtisaslaşmış radio yayımı lisenziyasının qüvvədə olma müddəti, lisenziya sahibinin Gürcüstan Milli Kommunikasiyalar Komissiyasına ərizə ilə müraciət etdiyi təqdirdə, birdəfəlik olaraq 2031-ci ilin dekabrın 31-nə qədər uzadılacaq. Bununla yanaşı, müddətin uzadılması halında lisenziya sahibləri lisenziya rüsumu və vergi ödəyəcəklər.

Məlumatı Gürcüstan Parlamenti yayır.