Parlament “Xarici Agentlərin Qeydiyyatı Aktı”nı, FARA-nın qanun layihəsini üçüncü oxunuşda təsdiqləyib. Bugünkü plenar iclasda 86 deputat düzəlişləri dəstəkləyib.

Səsvermə zamanı Gürcüstan Parlamentinin sədri Şalva Papuaşvili Amerika standartının və qanununun dəqiq surətinin qəbul edildiyini qeyd edib.

FARA ilə birlikdə, “Cinayət Məcəlləsi”nə planlaşdırılan dəyişikliklər də qəbul edilib.

Qəbul edilmiş qanun layihəsinə əsasən, xarici prinsipalın agenti olaraq qeydiyyat məsələləri tənzimlənəcək, daha dəqiq desək – xarici prinsipalın agenti olaraq qeydiyyat ərizəsi, digər müvafiq sənədlərin açıqlığının təmin edilməsi; xarici prinsipalın agenti olaraq qeydiyyatdan keçmiş şəxs tərəfindən illik maliyyə bəyannaməsinin təqdim edilməsi; xarici prinsipalın agenti olaraq qeydiyyatdan keçmiş şəxsin qeydiyyatının ləğvi; xarici prinsipalın agentini aşkar etmək və ya qanun layihəsi ilə müəyyən edilmiş tələblərin yerinə yetirilməsini yoxlamaq məqsədilə monitorinqin aparılması.

Xarici prinsipalın agenti olaraq qeydiyyatdan keçməkdən yayınmaq və qanunla müəyyən edilmiş tələbləri yerinə yetirməmək cinayət məsuliyyətini doğuracaq. Qanunun icrası Antikorrupsiya Bürosuna tapşırılacaq.