Parlament “İnzibati Xətalar Məcəlləsi”nə dəyişiklikləri üçüncü oxunuşda təsdiqləyib, ona əsasən marixuana və çətənə ilə əlaqədar məsuliyyət sərtləşdirilir.

Qəbul olunmuş qərara əsasən, az miqdarda çətənənin – 10 qramadək , marixuananın – 5 qramadək qurudulmuş, 10 qramadək qurudulmamış marixuananın əldə edilməsi, saxlanılması və daşınmasının ilk halı inzibati məsuliyyətə səbəb olacaq. Təkrarlanması halında, əldə edilməsi, saxlanılması, daşınması və göndərilməsi cərimə və ya cəmiyyət üçün faydalı əmək və ya bir ilədək müddətə azadlıqdan məhrum etmə ilə nəticələnir.

Yuxarıda qeyd olunanlardan başqa, çətənə halında on qramdan 155 qramadək, qurudulmuş marixuana halında beş qramdan 70 qramadək, qurudulmamış marixuana halında isə on qramdan 150 qrama qədər əldə etmək, saxlamaq altı ilədək müddətə azadlıqdan məhrum etmə, qanunsuz şəkildə hazırlamaq, istehsal, göndərmə və daşımaq isə 3 ildən 7 ilədək müddətə azadlıqdan məhrum etmə ilə nəticələnir.

Böyük miqdarda çətənə bitkisinə gəlincə (155-dən 750 qrama qədər), qurudulmuş marixuana halında 70-dən 250 qrama qədər, qurudulmamış marixuana halında isə 140-dan 500 qrama qədər əldə etmək, saxlamaq 5 ildən 8 ilə qədər məsuliyyətə, hazırlamaq, istehsal, daşıma və göndərmək isə 6 ildən 9 ilə qədər məsuliyyətlə nəticələnir.

Xüsusilə böyük miqdarda olması halında, yəni çətənə bitkisinin 750 qramdan və daha çox, qurudulmuş marixuana halında 50 qramdan və daha çox, qurudulmamış marixuana halında isə 500 qram və daha çoxunu əldə etmək və saxlamaq 8 ildən 20 ilədək müddətə azadlıqdan məhrum etmə və ya ömürlük həbs cəzası ilə nəticələnir.