Parlament “Ali təhsil haqqında” qanuna dəyişiklikləri birinci oxunuşda, sürətləndirilmiş qaydada müzakirə edib və dəstəkləyib.

Təhsil, elm və gənclik nazirinin müavini Zviad Qabisonia məsələni müzakirə edilməsi üçün təqdim edib.

“Ali təhsil konsepsiyası hissəsində biz payız sessiyası çərçivəsində islahatın birinci qanunvericilik paketini təqdim etdik. Yeni qanunvericilik paketi müəyyən növ dəyişiklikləri və dəqiqləşdirmələri əhatə edir” – məruzəçi qeyd edib.

Onun məlumatına əsasən, aparıcı professor vəzifəsi akademik heyətin siyahısına əlavə ediləcək. Həmçinin, qeyd olunan vəzifəni tutan şəxsin Akademik Şuraya üzv olmaq və dekan seçilməsi prosesində iştirak hüquqları tənzimlənəcək.

Həmçinin, dövlət tərəfindən təsis edilmiş ali təhsil müəssisələrinin yenidən təşkili üçün hüquqi çərçivə dəqiqləşdirilir.

Bununla yanaşı, ali təhsil müəssisələrinə hökumətin qərarı ilə nəzərdə tutulmayacaq proqramları konkret müddətə azalma rejimində həyata keçirmək imkanı veriləcək.

Müvafiq olaraq, qeyd olunan proqramlara artıq qəbul olmuş tələbələrə müvafiq müddət ərzində qeyd olunan ali təhsil müəssisəsində təhsillərini davam etdirmək imkanı veriləcək.

“İslahat nəticəsində tələbə pulsuz təhsil, genişləndirilmiş infrastruktur, ikiqat resurs və beynəlxalq tanınma qazanır. Universitet hissəsində professorlar gücləndirilmiş tədqiqat bazası, fənlərarası əməkdaşlıq və daha yaxşı şərait əldə edirlər. Ölkəmizə gəlincə isə, o, rəqabətqabiliyyətli kadrlar, ölkəni və güclü universiteti möhkəmləndirən intellektual resurs əldə edir” – Təhsil, Elm və Gənclər İşləri Komitəsinin sədri Mariam Laşxi bildirib.

Məlumatı Gürcüstan Parlamentinin mətbuat xidməti yayıb.