Hamını tuturlar və insanlar qərar veriblər ki, kim belə düşünmürsə, rejimlə razı deyilsə, nəsə böyük proses yaratsınlar. Kiminsə haradasa qeydiyyatdan keçməsində problem nədir? Etirazda iştirak edən müxtəlif insanlar bir ümumi platformada qeydiyyatdan keçsələr yaxşı olar – bu barədə “Quruculuq Strategiyası”nın üzvü Paata Mancqaladze deyib.

O bildirib ki, qeyd olunan platforma daha çox təşkilatlanma, birlik və qərar qəbuletmə prosesinin sadələşdirilməsini bərabərində gətirəcək.

“Bu platformalar, sonda, bir ideyaya gələcək. Bir böyük ümumi platforma yaradılmalıdır və bunların arasında heç bir ziddiyyət və fərq yoxdur. İnsanlar 200 gündür 5000 larilik cəriməyə baxmayaraq Rustavelidə dayanırlar və onlayn platformada qeydiyyat bu qədər çətin şeydirmi?” – Mancqaladze bildirib.

“Dəyişiklik Naminə Koalisiyası”nın liderlərindən biri Zurab Caparidze deyib: “Gürcüstanın bütün vətəndaşlarının rejimin dəyişməsini, ölkənin Avropaya qayıtmasını tələb etdikləri onlayn platforma yaradılmalıdır, platforma gizlənməkdən çıxmaqdır”.