Gürcüstan Parlamentinin vitse-spikeri Nino Tsilosani Litva hökumətinin istefası ilə bağlı yayılan məlumata münasibət bildirir və yazır ki, “arzuolunmaz şəxslər siyahısına salan Litva hökuməti korrupsiya qalmaqalı səbəbindən istefa verdi”.

Tsilosaninin bəyanatına əsasən, ədalətsiz qərarları məhz belələri qəbul edirlər.

“Məlum olduğu kimi, Litvada məni və həmkarlarımı arzuolunmaz şəxslər siyahısına salan hökumət korrupsiya qalmaqalı səbəbindən istefa verdi. Ədalətsiz qərarları məhz belələri qəbul edirlər. Maraqlıdır, sonrakı kim olacaq?” – Nino Tsilosani sosial şəbəkədə yazır.

Məlumat üçün bildirək ki, baş nazir Qintautas Palutskasdan sonra bu gün bütün Litva hökuməti istefa verəcək. İyulun 31-də Litva Prezidenti Qitanas Nauseda baş nazir Qintautas Palutskasın istefa ilə əlaqədar müraciət etdiyini bildirib. Məlum olduğu kimi, Litvada Palutskas ətrafında bir sıra qalmaqal baş verdi, jurnalistlər onun şübhəli biznes əlaqələrini ortaya çıxardılar. Bunun əsasında, Litvanın Baş Prokurorluğu xüsusi istintaq xidmətinə bu halları araşdırmağı tapşırdı. Nauseda Palutskasa ittihamlar ilə əlaqədar izahat vermək üçün iki həftə vaxt verdi.