Gürcüstan müxalifəti və radikal fəalları sistemli şəkildə Avropa İttifaqı və ABŞ-ın xarici fondları hesabına maliyyələşdirilir və hər bir inqilabi cəhd bu və ya digər xarici donor təşkilatı tərəfindən dəstəklənir. – Bu barədə “Gürcü Arzusu”nun üzvü Nino Tsilosani sosial şəbəkədə yazıb.

Tsilosaninin sözlərinə görə, Avropa İttifaqının digər ölkələrin də suverenliyinə hörmət etməsinin vaxtı çatıb.

“Bir ildən artıqdır ki, xarici müdaxiləni açıq elan edirik. İndi ABŞ-da çox aktual olan Şəffaflıq Aktının qəbul edilməsi ilə əlaqədar olaraq biz siyasi hücumun hədəfinə çevrildik, lakin sağ qaldıq. Bu gün radikal fəallar və hökumət əleyhinə siyasi partiyalar Tbilisiyə gedən əsas magistral yolu bağlamaq üçün aksiya təşkil edirlər. Bu, demək olar ki, hər bir ölkənin qanunlarına görə cinayət olardı və şübhəsiz ki, Gürcüstan qanunlarına görə cinayətdir. ABŞ-ın yeni seçilmiş prezidentinin Amerika maliyyələşdirməsini əsaslı şəkildə dəyişdirmək üçün tarixi addımlar atması ilə Aİ-nin digər ölkələrin suverenliyinə hörmət etməsinin vaxtı çatıb”. – Tsilosani yazır.