Nikoloz Samxaradze – Avropa Parlamenti özünün yeni qətnaməsi ilə gürcü xalqının öz hakimiyyətini müstəqil şəkildə seçmək suverenliyini tanımadığını bir daha sübut etdi

Avropa Parlamenti özünün yeni qətnaməsi ilə gürcü xalqının öz hakimiyyətini müstəqil şəkildə seçmək suverenliyini tanımadığına dair ehtiyatsız qərarını bir daha sübut etdi – bu barədə Parlamentin Xarici Əlaqələr Komitəsinin sədri Nikoloz Samxaradze deyib.

Onun sözlərinə əsasən, bu addım Gürcüstanın ərazi bütövlüyünü tanımayan Rusiyanın qərarından çox da geri qalmır.

“Bu, həm beynəlxalq hüququn prinsiplərinin, həm də ölkə suverenliyinin çox ciddi şəkildə pozulmasıdır. Prinsipcə, deyə bilərik ki, bu, Gürcüstanın ərazi bütövlüyünü tanımayan Rusiyanın qərarından çox da geri qalmır. Bu, çox ağır bir qərardır. Biz bu barədə Avropa İttifaqına üzv dövlətlərdə də danışmışdıq. Gündən-günə bu qərarlar daha da düşünülməmiş xarakter alır. Sual yaranır: Avropa Parlamenti və bu qətnaməyə səs verən insanlar kimin maraqlarına uyğun hərəkət edirlər? Çünki indiyədək Rusiyadan başqa Gürcüstanın suverenliyinə qəsd edən dörd dövlət var idisə, indi onlara Avropa Parlamenti də əlavə olundu” – Nikoloz Samxaradze bildirib.

Avropa Şurası Parlament Assambleyası iyunun 24-də Gürcüstanla bağlı qətnamə qəbul edib.