Nikoloz Samxaradze – Alan Berse məsələnin sivil formada həlli üçün hər şeyi edir, nümayəndə heyətimizin mandatları qeyd-şərtsiz tanınmayana qədər Avropa Şurası Parlament Assambleyasına qayıtmayacağıq

Alan Berseni kifayət qədər çətin vəziyyətdə qoyublar. O, Gürcüstanın təcrid olunmasını istəmir. Müvafiq olaraq, məsələnin sivil formada həlli üçün hər şeyi edir, lakin bu halda, Avropa Şurası Parlament Assambleyası ilə bağlı bizim öz mövqeyimiz var – bu haqda Xarici Əlaqələr Komitəsinin sədri Nikoloz Samxaradze deyib.

Samxaradze, bu mövqeyi hamının bildiyini deyib.

“Bunu həm açıq şəkildə, həm də qapalı qapılar arxasında bəyan etmişik. Onlara da dəqiq sizə dediyimizi deyirik. Biz Gürcüstan nümayəndə heyətinin mandatları qeyd-şərtsiz tanınmayana qədər oraya qayıtmayacağıq. Bu mandatların tanınması məhz 2025-ci ilin yanvar qətnaməsinin ləğv edilməsi ilə baş verməlidir” – Samxaradze bildirib.

Məlumat üçün bildirək ki, Avropa Şurasının baş katibi Alan Berse bəyan edib: “Gürcüstanın Parlament Assambleyasında olmaması vəziyyəti yaxşılaşdırmayıb. Sual budur ki, mümkün olan maksimal nəticə üçün bunu necə həll edə bilərik? Təcrid çıxış yolu deyil”.