Gürcüstan Parlamentinin Xarici Əlaqələr Komitəsinin sədri Nikoloz Samxaradze və Ətraf Mühitin Mühafizəsi və Təbii Resurslar Komitəsinin sədri Maia Bitadze Senatın Avropa İşləri üzrə Komitəsinin sədr müavini Jizel Jurdanın rəhbərlik etdiyi Fransa Respublikasının parlament nümayəndə heyəti ilə görüşüblər. Parlamentin mətbuat xidmətinin məlumatına əsasən, tərəflər parlament diplomatiyasının əhəmiyyətindən danışıblar.

Həmçinin, regional təhlükəsizlik məsələlərini də müzakirə ediblər. Ukraynada sülhün bərqərar olması prosesində Avropa İttifaqının roluna toxunulub.

Fransa tərəfi qeyd edib ki, Fransa Şərq Tərəfdaşlığını, Ukraynada müharibəyə baxmayaraq, üzv ölkələrin Avropaya inteqrasiya dinamikasına əhəmiyyətli təsir göstərmiş təşəbbüsün dinamikasının davam etdirilməsini dəstəkləyir.

Görüş Özbəkistan Respublikasının paytaxtı Daşkənddə davam edən Parlamentlərarası İttifaqın 150-ci Assambleyası çərçivəsində keçirilib.