Parlamentin Xarici Əlaqələr Komitəsinin sədri Nikoloz Samxaradze bildirib ki, ABŞ-nin 2025-ci il üzrə Milli Təhlükəsizlik Strategiyasında NATO ilə bağlı kifayət qədər vacib mesaj var və Amerikanın yeni administrasiyasının bu bəyanatda nə demək istədiyi aydın olmalıdır.

“Nəticə etibarilə, NATO-nun genişlənməsinin bütün üzvlərin məqsədi və vəzifəsi olub-olmadığı aydın olmalıdır. Əgər belə deyilsə, gürcü cəmiyyəti məlumatlandırılmalıdır, çünki uzun müddətdir NATO üzvlüyünə can atırıq. İndiyə qədər NATO-nun qapısının açıq olduğu barədə bəyanatlar olub. NATO-nun genişlənməməsi barədə qərar qəbul edilibsə, biz bunu bilməliyik. Oxunur ki, NATO-nun qapısı bağlıdır, lakin biz birbaşa NATO-nun qərarlarını gözləməliyik. Rutenin verdiyi son bəyanatlar genişlənmə barəsində müttəfiqlər arasında razılığın olmaması idi. Bu, əlbəttə ki, ümidverici deyil” – Nikoloz Samxaradze Gürcüstanın Birinci Kanalına deyib.

Donald Tramp administrasiyası tərəfindən Ağ Evin rəsmi veb saytında dərc edilən ABŞ-nin 2025-ci il üzrə Milli Təhlükəsizlik Strategiyasında qeyd olunub ki, “NATO-nun Avropada daim genişlənən ittifaq kimi qəbul edilməsinə son qoyulmalıdır”.