Nikoloz Samxaradze – Beynəlxalq ictimaiyyətə, o cümlədən Rusiyaya xatırladıram ki, işğal olunmuş ərazilərin özünü elan etmiş hakimiyyətləri tərəfindən imzalanan istənilən qondarma saziş əvvəldən etibarsızdır

Gürcüstan ərazisinin 20%-ni təşkil edən Abxaziya və Sxinvali regionları Rusiyanın qanunsuz işğalı altında qalmağa davam edir – bu barədə Gürcüstan Parlamentinin Xarici Əlaqələr Komitəsinin sədri Nikoloz Samxaradze Haaqada, ATƏT-in Parlament Assambleyasında çıxışı zamanı deyib.

Samxaradze işğal problemindən danışarkən Rusiya ilə qondarma Cənubi Osetiya arasında müttəfiqlik əməkdaşlığının dərinləşdirilməsinə dair imzalanmış qondarma sazişi pisləyib.

“Bölgədəki mövcud vəziyyəti daha da ağırlaşdıran son hadisələrə diqqət çəkmək istərdim. Rusiya ilə qondarma Cənubi Osetiya arasında müttəfiqlik əməkdaşlığının dərinləşdirilməsinə dair imzalanmış qondarma sazişi kəskin şəkildə pisləyirəm. Bu sənəd beynəlxalq hüququn kobud şəkildə pozulmasıdır və Rusiyanın işğalı möhkəmləndirmək, Gürcüstanın beynəlxalq səviyyədə tanınmış regionlarını de-fakto ilhaq etmək üçün növbəti çarəsiz cəhdini nümayiş etdirir. Beynəlxalq ictimaiyyətə, o cümlədən Rusiya Federasiyasına xatırladıram ki, işğal olunmuş ərazilərin özünü elan etmiş hakimiyyətləri tərəfindən imzalanan istənilən qondarma saziş və ya razılaşma əvvəldən etibarsızdır” – Nikoloz Samxaradze bildirib.