Nikoloz Samxaradze Avstriyanın səfiri ilə görüşüb
Gürcüstan Parlamentinin Xarici Əlaqələr Komitəsinin sədri Nikoloz Samxaradze Avstriya Respublikasının fövqəladə və səlahiyyətli səfiri Robert Qerşner ilə görüşüb.
Parlamentin mətbuat xidmətinin məlumatında, tərəflərin iki ölkə arasında mövcud münasibətləri və əməkdaşlığın inkişaf etdirilməsi imkanlarını müzakirə etdikləri deyilir. Parlamentlərarası əməkdaşlığın dərinləşdirilməsinin əhəmiyyəti vurğulanıb.
“Söhbətin mövzularından biri regional təhlükəsizlik məsələləri olub. Görüş zamanı Ukraynada davam edən müharibəni və Cənubi Qafqazda mövcud vəziyyəti müzakirə ediblər. Həmçinin regionda gedən prosesləri müzakirə ediblər.
Tərəflər Orta Dəhliz layihəsinə diqqət çəkiblər və onun strateji əhəmiyyətini vurğulayıblar” – Parlamentin mətbuat xidmətinin yaydığı məlumatda qeyd olunur.
Onların məlumatında, Nikoloz Samxaradzenin Avstriya Respublikasının səfirinə Gürcüstan ilə Avropa İttifaqı arasındakı münasibətlər və çağırışlar, eləcə də işğal olunmuş regionlardakı vəziyyət barədə məlumat verdiyi deyilir.