Ermənistanın Baş naziri Nikol Paşinyan bildirir ki, yeni tranzit dəhlizi, “Tramp marşrutu” həm Rusiya, həm də İrana fayda verəcək. Bu barədə Nikol Paşinyan “Fox News”un efirində deyib.

“Bilirsiniz, düşünürəm ki, razılaşma və bəyannamə İran və Rusiya üçün də kifayət qədər real fayda ehtiva edir, çünki bu razılaşma həyata keçiriləndə, məsələn, İranın Fars körfəzindən Qara dənizə qədər dəmir yoluna çıxışı olacaq və Rusiya və İranın dəmir yolu əlaqəsi, iki ölkə arasında əlaqəyə sahib olma imkanı olacaq. Demək istəyirəm ki, əgər biz bu razılaşmanın iqtisadi tərəfinə daha çox diqqət yetirsək, o zaman bu təkcə Ermənistan, Azərbaycan, Amerika Birləşmiş Ştatları və Türkiyə üçün deyil, həmçinin Rusiya və İrana da çox əhəmiyyətli, çox real fayda, əslində misilsiz fayda verəcək, çünki hazırda Cənubi Qafqazda İranı Rusiya ilə birləşdirən birbaşa dəmir yolumuz yoxdur” – Paşinyan qeyd edib.