Nikol Paşinyan: Rusiya Baş naziri ilə görüş zamanı bir neçə razılaşma əldə olunub. Hazırda onların detallarını açıqlamaq istəmirəm, onların həyata keçirilməsini gözləyək

Rusiya Baş naziri ilə görüş zamanı bir neçə razılaşma əldə olunub. Bu barədə Ermənistanın Baş naziri Nikol Paşinyan bildirib.

Ermənistan hökumətinin başçısının sözlərinə görə, Rusiya Federasiyası hökumətinin rəhbəri ilə açıq, səmimi və dostyana söhbət aparıb.

“Bir neçə razılaşma əldə olunub. Hazırda onların detallarını açıqlamaq istəmirəm. Onların həyata keçirilməsini gözləyək, nəticələri özünüz görəcəksiniz”, – deyə Paşinyan bildirib.

Nikol Paşinyan və Mixail Mişustin iyulun 6-da Yekaterinburqda “İnnoprom” beynəlxalq sənaye konfransı çərçivəsində görüşüblər.