Təəssüf ki, katolikosluğa namizədim yoxdur, məndə katolikosun təsviri var: Tanrıya inanan insan; fırıldaqçı-sələmçi deyil, İsa Məsihin müridi olan insan; Kilsəyə xidmət edən insan, pərdə altında gizlənən israfçı deyil, mömin din xadimi – bu barədə Ermənistanın Baş naziri Nikol Paşinyan deyib.

Ermənistan hökumətinin başçısı bildirib ki, ölkənin mömin və tanrıdan qorxan katolikosu olacaq.

Paşinyanın bəyanatına əsasən, Erməni Apostol Müqəddəs Kilsəsinin riyakar və münafiqlərin əsarətindən azad edilməsi prosesində bəziləri türk və ya azərbaycanlı izi görməyə çalışır və bu, öz natəmizliklərini erməni cəmiyyətindən gizlətmək üçün “azərbaycanlı” və ya “türk” arqumentindən istifadə edərkən birbaşa ikiüzlülüyün təzahürüdür.

“Kənar qüvvələrə istənilən sağlam diskursu pozmaq, istənilən islahata maneə olmaq və Erməni Apostol Müqəddəs Kilsəsini dalana dirəmək üçün imkan verirlər. Ermənistanın və Erməni Apostol Müqəddəs Kilsəsinin yaxşı gününü istəməyən istənilən qüvvə üçün bizim kilsənin müqəddəs yerlərini təhqir edən Ktriç Nersisyan və onun kimi insanlar hədiyyədir. Bəziləri Ktriç Nersisyanın müdafiəsinə çıxır. Nəyi müdafiə edirsiniz, kimi müdafiə edirsiniz? Yalanı, saxtakarlığı, təhqirimi? Yəni, özünüzü müdafiə edirsiniz və şansınız yoxdur. Erməni Apostol Müqəddəs Kilsəsi İsa Məsihə və erməni xalqına qayıdacaq. KKtriç Nersisyan Ana Kilsəni azad etməlidir” – Nikol Paşinyan bildirib.