“Gürcüstan Baş Nazirinə təşəkkür etmək istəyirəm ki, şəxsi olaraq Ermənistan və Azərbaycan arasında sülh prosesinə dəstək verir, həmçinin göstərdiyi dəstəyə görə minnətdarlığımızı bildirirəm”, – bunu Ermənistan Baş Naziri Nikol Paşinyan Gürcüstanlı həmkarı İrakli Kobaxidze ilə birgə brifinqdə deyib.

O bildirib ki, Ermənistan Gürcüstanın dəstəyinə minnətdardır:

“Bu gün bir görüşdə olmaq mənim üçün şərəfdir. Bu formatın adı Ermənistan-Gürcüstan hökumətlərarası iqtisadi əməkdaşlıq üzrə komissiyanın 15-ci iclasıdır. Bu, deməkdir ki, münasibətlərimiz inkişaf edir. Gündəlik işimiz üçün önəmli aspekt daha yaxşı iqtisadi nəticələr əldə etməkdir. Bu gün biz iki tərəfli iqtisadi, regional və beynəlxalq gündəlik mövzuları müzakirə etdik. Ən böyük əməkdaşlıq potensialının harada olduğunu müəyyən etdik. Bir daha Gürcüstan Baş Nazirinə, cənab İrakliyə təşəkkür edirəm ki, bütün bu müddət ərzində sülh prosesinə dəstək olub və şəxsi olaraq Ermənistan və Azərbaycan arasında sülh prosesini dəstəkləyir. Həmçinin göstərdiyi dəstəyə görə minnətdarıq. Bu gün Ermənistan və Azərbaycan Gürcüstanın köməyi və təşviqi ilə iqtisadi əlaqələr qurur və münasibətlərini inkişaf etdirir; bu, həqiqətən də təqdirəlayiq bir addımdır və bu dəyərli töhfə üçün təşəkkürümü bildirirəm”, – deyə Paşinyan bildirib.