Ermənistanın baş naziri Nikol Paşinyan Gürcüstan prezidenti Mixeil Kavelashvili ilə görüş haqqında sosial şəbəkədə paylaşım edib.

Paşinyanın yazdığına görə, görüşdə Ermənistan-Gürcüstan münasibətlərinin daha da gücləndirilməsi, iqtisadi əməkdaşlığın dərinləşdirilməsi məsələləri və regionda baş verən hadisələr müzakirə olunub.

“Gürcüstan prezidentini, cənab Mixeil Kavelashvilini qəbul etdim, o, Ermənistanda rəsmi səfərdədir. Məhsuldar müzakirələrimiz oldu, bu da bir daha davamlı strateji tərəfdaşlığımızı təsdiqlədi. Ermənistan-Gürcüstan münasibətlərinin daha da gücləndirilməsi, ticarət və iqtisadi əməkdaşlığın dərinləşdirilməsi və regionda baş verən hadisələri müzakirə etdik,” – deyə Nikol Paşinyan yazır.

Gürcüstan prezidenti Mixeil Kavelashvili Ermənistana rəsmi səfərlə dünən, 28 aprel tarixində gedib.

Mixeil Kavelashvili Ermənistan Respublikasında prezident administrasiyasının rəhbəri Ketevan Kvinikadze, xarici işlər nazirinin müavini Laşa Darsalia, Gürcüstan parlamentinin sədrinin birinci müavini Giorgi Volski, deputatlar – Samvel Manukyan və Sumbat Kyuregyan daxil olmaqla nümayəndə heyəti ilə birlikdədir.