Nikol Paşinyan – Ermənistan yüklərin, sərnişinlərin daşınmasını təşkil etməyə hazırdır, bu, Qara dəniz və Fars körfəzi arasında İran, Ermənistan və Gürcüstandan keçən ən qısa yoldur

 
Ermənistan yüklərin, sərnişinlərin daşınmasını təşkil etməyə hazırdır və bunda maraqlıdır, bu, Qara dəniz və Fars körfəzi arasında İran, Ermənistan və Gürcüstandan keçən ən qısa yoldur – bu haqda Ermənistanın Baş naziri Nikol Paşinyan “BRİCS” sammitində deyib.

Ermənistan hökumətinin başçısı, bunun şimal-cənub istiqaməti olduğunu bildirib.

Nikol Paşinyanın bəyanatına əsasən, Ermənistanın “Sülh yollarının kəsişməsi” planı həmçinin Xəzər və Mərmərə dənizləri arasında Azərbaycan, Ermənistan və Türkiyə ərazilərindən keçməklə ən qısa yolu nəzərdə tutur, bu da şərq-qərb istiqamətidir. Paşinyan qeyd edib ki, bu marşrutdan Azərbaycan və Naxçıvan Muxtar Respublikası arasında nəqliyyat-kommunikasiya əlaqəsi üçün istifadə etmək mümkündür.

“Bu yanaşmanı nəzərə alaraq, biz Azərbaycana sadələşdirilmiş sərhəd və gömrük nəzarəti prosedurları mexanizmlərini, eləcə də hər iki ölkənin yurisdiksiyasına və suverenliyinə tam hörmət nəzərə alınmaqla əlavə təhlükəsizlik tədbirlərinin təmin edilməsini təklif etmişik. Ermənistan malların, resursların, nəqliyyat vasitələrinin və insanların öz ərazisindən təhlükəsiz keçməsini təmin edə və tam təmin edə bilər. Ermənistanın hansısa formada guya hər hansı bir üçüncü ölkənin Ermənistanın suveren ərazisində kommunikasiyanın təhlükəsizliyini təmin etməsi faktı ilə razılaşdığı və ya bunun hansısa formada hansısa bir sənəddə nəzərdə tutulması haqda bütün bəyanatlar həqiqətə uyğun deyil” – Nikol Paşinyan bildirib.