Nikol Paşinyan – Ermənistan və Azərbaycan arasında anklavlar və eksklavlar olmamalıdır
Ermənistan və Azərbaycan arasında anklavlar və eksklavlar olmamalıdır – bu barədə Ermənistanın Baş naziri Nikol Paşinyan açıqlayıb.
O bildirib ki, sülh sazişi nəticəsində Ermənistanın ərazisi 29 743 kvadratkilometr olmalıdır, bununla yanaşı Ermənistan və Azərbaycan bərabər ölçüdə əraziləri mübadilə etməlidirlər.
Paşinyan Yerevan və Bakının bir-birinə qarşı hər hansı iddia irəli sürməməli olduğunu və bütün məsələlərdə bir-birini nəzərə almalı olduğunu qeyd edib.
“Ermənistan-Azərbaycan sülh sazişinin imzalanması və ratifikasiyasından sonra sülh necə olmalıdır? Ermənistan 29 743 kvadratkilometr sahəyə malik olmalıdır. Sərhədlərin delimitasiyası və demarkasiyası Alma-Ata Bəyannaməsi əsasında həyata keçirilməlidir. Anklavlar və eksklavlar məsələsi növbəti düsturla həll olunmalıdır: sərhədin hər iki tərəfində eksklavlar və ya anklavlar olmamalıdır; yəni iki ölkə, Ermənistan və Azərbaycan müvafiq dəqiq ölçüdə ərazilərin mübadiləsini həyata keçirməlidir. Bütün yollar və kommunikasiya yolları TRIPP layihəsi çərçivəsində, lakin yalnız TRIPP layihəsi çərçivəsində deyil, açılmalıdır. Bütün kommunikasiya yolları, o cümlədən Ermənistandan Ermənistana Azərbaycan ərazisindən keçməklə və Azərbaycandan Azərbaycana Ermənistan ərazisindən keçməklə kommunikasiyanın fəaliyyəti və təmin edilməsi məntiqi ilə fəaliyyət göstərməli və açıq olmalıdır” – Paşinyan açıqlayıb.