Erməni Həvari Kilsəsi ruhumuzun evidir və subaylıq andını pozan din xadimləri ruhumuzun evini tərk etməlidirlər – bu barədə Ermənistanın Baş naziri Nikol Paşinyan bildirib.

Ermənistan hökumətinin rəhbəri bildirib ki, bəzi yüksək rütbəli din xadimləri başa düşmürlər ki, Erməni Həvari Kilsəsi xalqın kilsəsi, hər bir insanın kilsəsi, xalqın müqəddəsliyi, hər bir insanın müqəddəsliyi, xalqın ruhunun evi və hər bir insanın ruhunun evidir.

“Erməni Həvari Kilsəsinin sadiq müridi kimi, kilsə qarşısında baş əyən bir insan kimi, İsa Məsihə inanan və ona sitayiş edən biri olaraq deyirəm: Erməni Həvari Kilsəsi ruhumuzun evidir. Və sən bu evi subaylıq andını pozmaqla təhqir edirsən, lakin təkcə bununla da deyil. Subaylıq andını pozan din xadimləri ruhani xidməti davam etdirə bilməzlər. Onlar ruhumuzun evini azad etməlidirlər” – Nikol Paşinyan bildirib.