Səmimi deməliyəm ki, Ermənistanın Avropa İttifaqına inteqrasiya yolunda hazırda ən böyük problem Avropa İttifaqı ilə Gürcüstan arasında siyasi dialoqun dondurulmuş vəziyyətdə olmasıdır. Gürcüstan bizim üçün Avropa İttifaqına aparan yoldur. Ermənistanın Avropa İttifaqına üzvlük prosesinin başlanması haqqında qanunu biz Gürcüstana namizəd statusu verildikdən sonra qəbul etdik. Bu Ermənistanın Avropa İttifaqına üzvlük perspektivini real etdi – bu haqda Ermənistanın Baş naziri Nikol Paşinyan Avropa Parlamentində çıxışı zamanı bildirib.

Paşinyanın sözlərinə əsasən, Ermənistan Avropa İttifaqı ilə Gürcüstan arasında konstruktiv prosesin inkişaf etməsini tələb edir və buna dair gözləntisi var.

“Ermənistanda bir çox insan Ermənistanın nə vaxt Avropa İttifaqına üzv olacağını soruşur. Cavabımız çox aydındır. Heç bir ölkə Avropa İttifaqının standartlarına cavab vermədən Avropa İttifaqına üzv ola bilməz. Buna görə də, bizim vəzifəmiz avropalı tərəfdaşlarımızın dəstəyi ilə islahatlar yolunu davam etdirmək və ilk növbədə, Avropa İttifaqına üzvlük meyarlarına obyektiv şəkildə cavab verməkdir. Bu baş verdikdə, iki yol var. Ya Avropa İttifaqı bizi tamhüquqlu üzv kimi qəbul edəcək, ya da etməyəcək. Bunu ona görə deyirəm ki, Avropa İttifaqının genişlənməsinin, yeni üzvün qəbul edilməsinin asan məsələ olmadığını, həm də siyasi qərarlar məsələsi olduğunu başa düşürəm. Əgər Avropa İttifaqı Ermənistanı tamhüquqlu üzv kimi qəbul edərsə, bu, əla olacaq. Əgər bu baş verməsə, yenə də faydalanacağıq, çünki biz Avropa İttifaqının standartlarına tam cavab verən ölkə olacağıq. Lakin, səmimi deməliyəm ki, Ermənistanın Avropa İttifaqına inteqrasiya yolunda hazırda ən böyük problem Avropa İttifaqı ilə Gürcüstan arasında siyasi dialoqun dondurulmuş vəziyyətdə olmasıdır. Gürcüstan bizim üçün Avropa İttifaqına aparan yoldur. Ermənistanın Avropa İttifaqına üzvlük prosesinin başlanması haqqında qanunu biz Gürcüstana namizəd statusu verildikdən sonra qəbul etdik. Bu Ermənistanın Avropa İttifaqına üzvlük perspektivini real etdi. Biz Avropa İttifaqı ilə Gürcüstan arasında konstruktiv prosesin inkişaf etməsini gözləyirik və tələb edirik.
Bu, Ermənistan üçün, eləcə də Gürcüstan üçün vacibdir” – Nikol Paşinyan qeyd edib.