Biz sənədləri imzaladıq və parafladıq və bu sənədlərdə olmayan ifadələr, məsələn, “Zəngəzur dəhlizi” eşidiləndə, bizdə belə bir sual yaranır: bu ifadə haradan gəldi? – bu barədə Ermənistanın Baş naziri Nikol Paşinyan deyib.

Paşinyan bildirib ki, Ermənistan halında, adlarla bağlı qərarı Ermənistan, Azərbaycan halında isə Azərbaycan qəbul edir.

“Aydındır ki, bu ifadə cəmiyyətimizi narahat edir. İndi sual yaranır: Niyə bu ifadə insanları əsəbiləşdirmək üçün istifadə olunur? Mən deyirəm ki, Ermənistanın ərazisinin başqa izahatı ola bilməz və mənim dediyim legitimdir. İndi qaz kəmərlərinin, boru kəmərlərinin, elektrik xətlərinin, kabellərin layihələndirilməsinə və tikintisinə başlaya bilərik. Dəmir yolunun layihələndirilməsinə başlamalıyıq, görək, bizə daha hansı infrastrukturun açılması lazımdır. Niyə sözlü davanı qızışdırırıq? Gəlin, razılaşdığımız şeyi yerində həyata keçirək” – Nikol Paşinyan bildirib.

Nikol Paşinyan BMT Baş Assambleyasının əsas müzakirələrində çıxışı zamanı da “Zəngəzur dəhlizi” termini ilə bağlı bəyanat verib. Paşinyan bildirib ki, Azərbaycan Prezidenti “Beynəlxalq sülh və rifah üçün Tramp marşrutu”na münasibətdə “Zəngəzur dəhlizi” ifadəsinin işlədilməsini izah etməlidir.

Paşinyan bildirib ki, Ermənistanla Azərbaycan arasında rəsmi danışıqlarda “Zəngəzur dəhlizi” termini heç vaxt olmayıb.
Paşinyanın bəyanatına əsasən, erməni reallığında bu, Ermənistana qarşı ərazi iddiası kimi qəbul edilir və münaqişə narativi ilə əlaqələndirilir.