Ermənistanın Baş naziri Nikol Paşinyan bildirir ki, Amerika şirkəti Ermənistan ərazisində yola nəzarət etməyəcək, onu idarə edəcək, yəni onun biznes idarəçiliyini həyata keçirəcək. Bu barədə Nikol Paşinyan jurnalistlərlə söhbətində deyib.

İranın bu yolla yük daşımaq imkanına malik olub-olmaması sualına, Paşinyan Rusiyanın idarə etdiyi Ermənistan Dəmir Yollarını misal çəkib.

“Bu dəmir yolu bir çox yaşayış məntəqələrindən və yollardan keçir və bir dənə də olsun erməni, iran, gürcü və ya avropalı avtomobil bu dəmir yolunu keçərkən müqavimətlə üzləşməyib” – Paşinyan qeyd edib.

Paşinyan bunu ərazinin Ermənistanın yurisdiksiyası altında olması ilə izah edib.

“Hər zaman haqqında danışdığımız beş prinsip məhz bundan xəbər verir, bunlar suverenlik, yurisdiksiya, ərazi bütövlüyü, sərhədlərin toxunulmazlığı və ikitərəflilikdir” – Paşinyan bildirib.