Bütün Gürcüstan miqyasında “Gürcüstan daha yaxşısına layiqdir” kampaniyasına başlayırıq – bu barədə “Müxalifət Alyansı”nın liderlərindən biri Nika Qvaramia parlamentin yaxınlığında aksiyada bəyan edib.

Qvaramianın sözlərinə əsasən, bu kampaniya yeni, demokratik seçkilərlə başa çatmalıdır.

“Bu kampaniyanı yeni demokratik seçkilərlə bitirməliyik, Bidzina İvanişvilini və onun rüsvayçı, anti-gürcü rejimini zibilliyə göndərməliyik. Bəli, Gürcüstan daha yaxşısına layiqdir. Bu mitinqin görünməz iştirakçılarını, gürcü siyasi məhbusları, istisnasız hamını – 2023-cü, 2024-cü, 2025-ci illərdə, 4 oktyabrda həbs olunanları, vətənpərvər olan və Gürcüstana görə ədalətsiz cəza çəkən hər kəsi salamlamaq istəyirəm. Bu mitinqin görünməz iştirakçılarını, gürcü mühacirləri salamlamaq istəyirəm, bəli onlar indi burada dayanıblar və Bidzina İvanişvili bu ölkədə olmayanda artıq əyani şəkildə burada olacaqlar. Və sonda, sizləri, bu ölkənin gələcəyini, bu ölkənin ən yaxşı övladlarını salamlamaq istəyirəm” – Nika Qvaramia bildirib.