Nika Gvaramia – Mənim fikrimcə, dili düşüncəsindən qabağa düşüb və bu, yaxşı hal deyil. Lakin heç nəyə şübhə etmirəmsə, o da Giorgi Baramidzenin vətənpərvərliyidir

Nika Gvaramia – “Gia Baramidzenin vətən xaini olmadığı və gürcü vətənpərvəri olduğu sübuta ehtiyac duymur.”
“Oppozisiya Alyansı”nın lideri Nika Gvaramia bildirib ki, Gia Baramidzenin vətən xaini olmadığı və gürcü vətənpərvəri olduğu heç bir sübut tələb etmir.
Onun sözlərinə görə, prokurorluq Gia Baramidze ilə bağlı siyasi təqib həyata keçirir.
“Gia Baramidzenin vətən xaini olmadığı və gürcü vətənpərvəri olduğu sübut tələb etmir. Prokurorluğun siyasi təqib həyata keçirdiyi də sübut tələb etmir. Giyanın heç bir cinayət törətmədiyi də, mənim fikrimcə, sübut tələb etmir. Lakin deyilənlər, aydındır ki, həqiqətə uyğun deyil. Bu məsələnin haradan ortaya çıxdığını bilmirəm. Mənim fikrimcə, dili düşüncəsindən qabağa düşüb və bu, yaxşı hal deyil. Ancaq cinayət və xəyanət tamamilə başqa kateqoriyalardır və belə qiymətləndirilmir. Xüsusilə də Gia ilə bağlı – onun bioqrafiyasını bildiyim, şəxsən tanıdığım və siyasi fəaliyyətini izlədiyim üçün deyə bilərəm ki, o, ölkəsinin maraqları uğrunda mübarizə aparır. Əgər heç nəyə şübhə etmirəmsə, bu, onun vətənpərvərliyidir”, – deyə Gvaramia bildirib.
Qeyd edək ki, Giorgi Baramidzenin bəyanatı ilə bağlı Gürcüstan Prokurorluğu dövlətə xəyanət və sabotaj faktı üzrə istintaqa başlayıb.
Söhbət “Vahid Milli Hərəkat”ın liderlərindən biri Gia Baramidzenin “Abxaziya müharibəsi zamanı gürcü hərbçiləri əsirləri güllələyirdilər və buna görə də Abxaziya tərəfi əsirləri geri vermirdi” fikrindən gedir.