Mayın 26-da alyansın adından birgə bəyanat veriləcək, mayın 26-da çoxlu insan olacaq və həmçinin etirazın yenidən başlaması olacaq, nəticələrə daha tez çatacağıq – bu haqda “Axali”nin liderlərindən biri Nika Qvaramia açıqlayıb.

Onun sözlərinə əsasən, hər kəsin öz rəyinin olması hüququ var, lakin qərarı alyansın doqquz subyekti qəbul etməlidir.

“Deyərdim ki, daha çox iş görülməlidir. Bütün mövqeləri nəzərdən keçirəcəyik və hamımızın razılaşdığı kimi ediləcək. Doqquz üzvü olan subyektin birgə razılaşma olmadan qərar qəbul etməsi imkansızdır. Lakin hamımızın öz baxışlarımız var. Proseslərin daha kəskin, yoxsa daha az kəskin olması ayrı-ayrı partiya sədrlərinin baxışları deyil. Təbii ki, hər kəsin öz mövqeyini ifadə etmək hüququ var, üstəlik də əgər o, çöldə deyilsə və ictimai bəyanatlardan başqa digər imkanı yoxdursa. Fikir ayrılığına gəlincə, dəfələrlə demişəm və bir daha təkrar edəcəyəm ki, heç kim bunun asan proses olacağını zənn etmirdi. Bu alyansda bir çoxlarının münasibətlərinin çox mürəkkəb tarixçəsi var, buna görə də problemlər olub, indi də var və yəqin ki, ehtimal edirəm, gələcəkdə də olacaq. Bu o demək deyil ki, biz razılaşdırılmış şəkildə hərəkət edə və qərar qəbul edə bilmərik” – Qvaramia bildirib.