Nika Qvaramia – Qiorqi Kartvelişvili əlamətdar bir şey deyib, “ehtiyac olsa, həbsxanaya da gedərəm” deyir, başa salın bu “razqon”la, bir qayda olaraq, morqa gedirlər

O acınacaqlı axmağın “elan etdiyi” şey əxlaq polisi deyil, yalançı əxlaq adı altında kütləvi zorakılıq və hesablaşma üçün ilham mənbəyidir— bu barədə “Müxalifət Alyansı”nın liderlərindən biri Nika Qvaramia sosial şəbəkədə yazır.

Qvaramia Qiorqi Kartvelişvilinin “gürcü dəyərlərini, sərvət və ənənələrini qorumaq üçün xalq hərəkatının təsisi” haqqında verdiyi bəyanata münasibət bildirir.

“O kəmsavad oğlanın sayıqlamalarını oxudum. Əlamətdar bir şey deyib: “Ehtiyac olsa, həbsxanaya da gedərəm” deyir.

Sahibi, onu sevəni varsa, başa salın ki, bu “razqon”la, bir qayda olaraq, həbsxanaya deyil, morqa gedirlər.

O acınacaqlı axmağın “elan etdiyi” şey əxlaq polisi deyil, yalançı əxlaq adı altında kütləvi zorakılıq və hesablaşma üçün ilham mənbəyidir. Və bu, heç vaxt, heç bir yerə, heç bir zaman gətirib çıxarmayıb və heç vaxt da çıxarmayacaq. Nə əzələlər kömək edir, nə hakimiyyətin dəstəyi, nə də ənənələr və əcdadların arxasında gizlənmək: zorakılıq spiralının amansız dialektikası belədir.

Nə vaxtsa daha həyasız biri “yaxşı qızın qardaşı” və ya “yaxşı oğlanın övladı” 90-cı illərdə yayılmış ən qaranlıq düsturu xatırlayacaq: “Qaraciyərə mil”.

Şüşədən qaranlıq 90-cı illərin ən qəddar cinini çıxarmağa çalışırsınızsa, yaddaşınız yaxşı deyil: bunu sonuncu dəfə sınayanların hamısı torpaq altındadır. Nə də əcdadların ənənələrinin əsas təməli olan Müqəddəs Kitabı bildiyiniz görünür: “Qılınc götürənlərin hamısı qılıncdan da həlak olacaq”.

Odur ki, get, ay oğlan, evə, sidiyə çıx və yat” — Nika Qvaramia yazır.