Niderlandda meşə yanğınları artıq 100 hektar ərazini əhatə edib

Niderlandın cənub-şərq hissəsində yanğınsöndürənlər artıq 100 hektar ərazini əhatə edən meşə yanğınının söndürülməsinə çalışırlar.

Yanğın Limburq əyalətinin qoruğunda, Almaniya sərhədinin yaxınlığında baş verib.

Regional Təhlükəsizlik Xidmətinin nümayəndəsinin sözlərinə əsasən, külək istiqamətini bir neçə dəfə dəyişib, bu da alovun yayılmasını sürətləndirib.

Hakimiyyət orqanlarının məlumatına əsasən, gecə boyunca yanğının söndürülməsində 300-dək xilasedici iştirak edirdi.

Yanğına yaxın sahədə qatarların hərəkəti dayandırılıb. Yerli hakimiyyət nümayəndələrinin bəyanatına əsasən, quraqlıq səbəbindən alov qoruqlarda sürətlə yayılır.