Niderlandda quş qripinin yayılması ilə əlaqədar olaraq daha 100 min baş toyuq məhv ediləcək. Niderlandın Qida və İstehlak Məhsullarının Təhlükəsizliyi üzrə Orqanı bildirib ki, quş qripi Limburg əyalətinin Voul bələdiyyəsində yerləşən bir toyuq fermasında təsdiqlənib. Onların sözlərinə görə, quşların məhv edilməsi virusun yayılmasının qarşısını almaq məqsədi daşıyır.

Medianın məlumatına görə, bu, regionda cari həftə ərzində ikinci hadisədir. Keçən həftəsonu kəndlərdən birində yerləşən hinduşka fermasında quş qripi aşkarlanıb və bundan sonra quşlar məhv edilib.

Quş qripi epidemiyası səbəbindən Niderlandda dekabr ayının əvvəlindən etibarən quş bazarları və sərgiləri qadağan olunub.

Medianın məlumatına görə, quş qripi halları Almaniyada, Çexiyada və Avropanın digər ölkələrində də qeydə alınıb.