Amerika Birləşmiş Ştatları Ukrayna Prezidenti Volodimir Zelenskinin iyunun 24-25-də Haaqada keçiriləcək NATO-nun sammitinə dəvət edilməsinə qarşı çıxır. Bu barədə məlumatı Niderland mediası NATO-dakı mənbəsinə istinadən yayır.

Bununla yanaşı, məlum olduğu kimi, Zelenskinin NATO sammitinə mümkün dəvəti məsələsi mayın 15-də Türkiyədə planlaşdırılan Şimali Atlantika Alyansına üzv ölkələrin xarici işlər nazirlərinin görüşünün kuluarlarında müzakirə olunacaq.

“NATO-dakı mənbələr Amerika Birləşmiş Ştatlarının Zelenskinin gələn aya planlaşdırılan sammitdə iştirakına qarşı çıxması haqda xəbər verirlər. Prezident Trampın administrasiyası bu ideyanı bəyənmir, qismən iki lider arasında gərgin münasibətlərə görə” – media yazır.

Mənbələrdən birinin məlumatına əsasən, Zelenskini NATO-nun sammitinə dəvət etməkdən imtina etmək “Niderland üçün heç kimin haqq qazandıra bilməyəcəyi diplomatik fəlakət” olardı.