“New York Times” – Volodimir Zelenski ABŞ-dan “Tomahawk” tipli qanadlı raketlər tələb edib

 
Amerikanın “New York Times” qəzeti anonim mənbələrə istinadən bildirir ki, Ukrayna hakimiyyəti tərəfindən təqdim edilmiş “Qələbə planı”nın məxfi hissəsində Ukraynanın Prezidenti Volodimir Zelenski ABŞ-dan “Tomahawk” tipli qanadlı raketlər tələb edib.

Qəzetin mənbələrindən biri deyib ki, Amerika hakimiyyəti siyasi, eləcə də obyektiv səbəblərdən bu tələbi tamamilə qeyri-real hesab edib.

“Tomahawk”ın təsir radiusu 1500 mil və ya 2400 kilometrdən çoxdur. Ukrayna ərazisindən onlardan istifadə etməklə Rusiyanın Avropa hissəsinə və Qərbi Omsk vilayəti də daxil olmaqla Uraldan o tərəfə hücumlar həyata keçirmək olardı.

Məlumat üçün bildirək ki, ABŞ Ukraynaya Amerikanın “ATACMS” tipli raketlərindən Rusiya ərazisinin dərinliklərinə zərbə endirmək üçün istifadə etməyə icazə vermir. “ATACMS”ın təsir radiusu “Tomahawk”larla müqayisədə 6-7 dəfə azdır.

Bununla yanaşı, “New York Times”ın yazdığı kimi, Rusiyada mümkün hərbi hədəflərin sayı Amerikanın müdafiə qüvvələrinin imkanlarının azalmaması üçün ABŞ tərəfindən hipotetik şəkildə verilmiş raketlərin sayından qat-qat çoxdur.

“New York Times”ın mənbəsi bildirib ki, Zelenskinin düşüncəsilə, “Tomahawk” raketlərinin Ukraynada yerləşdirilməsi Rusiyanın “Qeyri-nüvə çəkindirici” strategiyasının elementi olmalı idi.