Nepalda antikorrupsiya etirazları və iğtişaşlar zamanı ölənlərin sayı 72-yə yüksəlib. Bu barədə məlumatı Səhiyyə Nazirliyi yayıb. Axtarış və təmizləmə işləri iğtişaşlar zamanı zərər görmüş ticarət mərkəzlərində və digər binalarda davam edir.

“Hazırda biz həmin insanların cəsədlərini tapırıq ki, onlar alış-veriş mərkəzlərinə, evlərə və digər binalara od vurulduqda və ya hücuma məruz qaldıqda həlak olublar”, – deyə Səhiyyə Nazirliyinin mətbuat katibi bildirib.

Nazirliyin son məlumatına görə, yaralıların sayı 2 100-dən çoxdur.

İğtişaşlar zamanı etirazçılar bir çox hökumət binalarını, ölkənin Ali Məhkəməsini, parlamenti, polis bölmələrini, biznes obyektlərini, həmçinin siyasətçilərin, o cümlədən prezidentin və baş nazirin yaşayış evlərini yandırıblar.

İğtişaşların fonunda baş nazir Şarma Oli istefa verib, ölkəyə müvəqqəti olaraq keçmiş baş hakim Sushila Karki rəhbərlik edəcək.

Nepalda yeni parlament seçkiləri 5 mart tarixinə təyin olunub.

Son onilliklərdə ən genişmiqyaslı nümayişlər sosial şəbəkələrin qadağan edilməsindən sonra başlayıb və sonradan antikorrupsiya çıxışlarına çevrilib.

Etiraz aksiyalarında əsasən GenZ nümayəndələri iştirak ediblər.