Nepalda qar uçqunu nəticəsində yeddi alpinist həlak olub

11:20, 04.11.2025

Nepalda qar uçqunu nəticəsində yeddi alpinist həlak olub. Hadisə ölkənin şimal-şərq hissəsində, Dolakha rayonunda, Yalung Ri dağının baza düşərgəsinə yaxın ərazidə baş verib.

BBC, ekspedisiya agentliyi Seven Summit Treks-ə istinadən xəbər verir ki, həlak olan alpinistlərdən ikisi nepalı, beşi isə digər ölkələrdən — İtaliya, Kanada, Almaniya və Fransadan idi.

Bundan əlavə, hadisə zamanı beş alpinist müxtəlif dərəcəli bədən xəsarətləri alıb. Xilasedicilər iki nəfərin cəsədini tapıblar, digər beş nəfərin axtarışı isə davam edir.

Müəllif - Emil Aliyev

Dünya