Gürcüstanın Milli Bankının Maliyyə Sabitliyi və Pul Siyasəti Komitələrinin qərarı ilə kommersiya bankları üçün təyin edilmiş minimal ehtiyat tələbinin yuxarı həddi 5%-lə 25%-dən 20%-ə qədər azaldılıb.

Milli Bankın prezidentinin bəyanatına əsasən, minimal ehtiyat tələblərinin 5%-lə azaldılması gələcəkdə banklara kiçik biznesə daha aşağı faiz dərəcəsi ilə kredit təklif etməyə imkan verəcək.

Milli Bankın prezidenti Natia Turnavanın bəyanatına əsasən, bu addımla kommersiya sektoru müştərilərə xarici valyutada kreditləri nisbətən aşağı faiz dərəcəsi ilə vermək imkanı əldə edəcək.

“Bu gün Maliyyə Sabitliyi Komitəsinin iclasını keçirdik, bu, ölkədə maliyyə sabitliyinin parametrlərini vaxtaşırı müzakirə etdiyimiz komitədir. Bank sistemimizi ən yaxşı aktivlərin keyfiyyəti ilə etibarlı və dayanıqlı kimi qiymətləndirdik. Risklər yüksək likvidlik, eləcə də yüksək kapital buferləri ilə sığortalanır və minimal ehtiyat tələblərini 25%-dən 20%-ə endirmək barədə qərar qəbul etdik. Bu, hansı gözləntiyə səbəb olur – əvvəla, bu, bankların kiçik biznesə daha cəlbedici şərtlərlə, daha aşağı faiz dərəcəsi ilə kreditlər təklif etmək imkanına malik olacağı gözləntisinə səbəb olur, bu da eyni anda maliyyə sabitliyinə də kömək edəcək” – Milli Bankın prezidenti Natia Turnava bildirib.