Düşünürəm ki, hər şey yaxşı və ləngimə olmadan keçir, sakitlikdir, bəzi təcrübələrinizi ABŞ-a da keçirə bilərsiniz – bu barədə Fundamental Hüquqlar Mərkəzinin müşahidəçisi Ceyk Hopman Xaşuridə jurnalistlərə deyib.

Onun qiymətləndirməsinə əsasən, özünün ziyarət etdiyi məntəqələrdə hər şey təhlükəsiz şəkildə gedir.

“Biz iki fərqli şəhərdə, beş və ya altı fərqli məntəqədə olduq. Müşahidə etdiyim qədərilə, hər şey yaxşı görünür, çöldə sakitlikdir, heç bir etiraz və ya ləngimə yoxdur. Proses rəvan gedir. Dünən dedim ki, bəzi təcrübələrinizi Amerika Birləşmiş Ştatlarına da keçirə bilərsiniz, məsələn, Kaliforniyaya. Görürəm ki, burada şəxsiyyət vəsiqələrini yoxlayır, işarələyir, şəkilli vərəqlərin şəklini çəkirsiniz və səsvermə üçün çox təhlükəsiz formalar mövcuddur. Amerikanın bəzi ştatlarında bu cür deyil, olduqca maraqlı müqayisədir.

Yaxşıdır ki, elektron və kağız bülletenlər sistemi birgə istifadə olunur. Elektron sistem səslərin sayılması prosesini asanlaşdırır və nəticələri daha tez əldə edirsiniz. Ümumilikdə düşünürəm ki, hər şey yaxşı, ləngimə olmadan və peşəkar şəkildə keçir, hələlik gördüyüm qədərilə, ziyarət etdiyimiz məntəqələrdə hər şey təhlükəsiz şəkildə gedir”- Ceyk Hopman bildirib.