Hələlik heç bir pozuntu halını görməmişik, proses fasiləsiz şəkildə davam edir – bu barədə Fundamental Hüquqlar Mərkəzinin müşahidəçisi Cei Patel Xaşuridə jurnalistlərə deyib.

Onun sözlərinə əsasən, seçkilərə ictimai maraq olduğu görünür, çoxlu seçici iştirak edir.

“Biz ölkə miqyasında seçki məntəqələrini ziyarət etdik, əvvəlcə Tbilisidə, indi isə buradayıq. Hələlik heç bir pozuntu halını görməmişik, proses fasiləsiz şəkildə gedir və digər ölkələrin təcrübəsinə uyğundur. Kifayət qədər çox seçici iştirak edir, fəallıq var, bu seçkilərə ictimai maraq olduğu görünür və onlar üçün yerli nümayəndəni seçmək vacibdir.

Elektron sistem prosesi sadələşdirir və nəticələr daha tez əldə edilə bilər, lakin kağız bülletenlərlə müqayisədə yoxlamada fərqlər var və hansı sistemin istifadəsinin daha yaxşı olması ilə bağlı debatlar var” – Cei Patel bildirib.